وقال الغندور في بث مباشر عبر صفحته على "فيس بوك": "عندي لاعب اسمه كهربا عنده مشكلة مع الزمالك من 4 سنين وهرب وناس بتقول الأهلي اللي هربه، لما ربنا كرمه وجاب هدف تلفظ بإيحاءات جنسيه ضد الزمالك وعوقب ببسببها بالإيقاف 12 ماتش".
وواصل: "فوجئنا بقناة الأهلي بكابتن أحمد بلال وأيمن شوقي وشريف عبد المنعم تلفظوا بنفس الإيحاءات الجنسية".
وتابع الغندور: "خالد مرتجي أمين صندوق الأهلي وهذا منصب قيمة كبيرة جدًا، يطلع في برنامج من أهم البرامج ومع إعلامي من أهم الإعلاميين في مصر عمرو أديب ويلقح بالكلام، وبنفس الكلام والإيحاءات الجنسية من كهربا، وكأن نوع من المكايدة وانتصار للقيم والمبادئ وبيقلد كهربا المعاقب 12 ماتش".
وأردف: "مهندس خالد مرتجي بيقول حطها صح جدًا، حطها جميلة جدًا، دي أخلاق؟ وتلقيح من أمين صندوق الأهلي، بيوصل رسالة وبيقلل من جمهور الزمالك ومش أول مرة يعمل كدة، قال تصريحات كارثية في إذاعة الشباب والرياضة وتم تهديده من لجنة الشباب والرياضة بعدم إثارة التعصب".
وأردف: "قالوا مرتضى السبب وخالد مرتجي نفسه كان معترض على مرتضى، مرتضى إاتحبس واتعزل، ومبيكلمش ومقالش حاجة يبقى القصة مش مرتضى، والقصة واحد في سنه بيقول كلام كهربا اللي في سن أولاده".
وأتم: "مبروك يا مهندس خالد مرتجي ابن الفريق مرتجي الأخلاق والمكايدة، ألف مبروك كسبت انتصار على السوشيال ميديا، وعند جمهور الأهلي اللي عوقب لما شتم، ألف مبروك هيقولوا برافو عليك و10-10 هيصفقوا على مكايدتك وأخلاقك ومُثلك ورميك للكلام بتقلد لاعب في سن أولادك معاقب علشان قال إيحاءات جنسيه وانت بتقولها مبروك خالد مرتجي".
