هاجم نجم نادي الزمالك ومنتخب مصر السابق أحمد حسام ميدو بقوة المدرب البرتغالي كارلوس كيروش المدير الفني للمنتخب الوطني الأسبق والحالي لمنتخب إيران قبل مشاركة الأخير في نهائيات كأس العالم بقطر 2022.
وقال كيروش عبر حسابه الرسمي على موقع التواصل الإجتماعي الخاص بالتدوينات القصيرة "تويتر":" ما زلت مقتنع إن كيروش هو السبب الرئيسي في عدم صعودنا لكأس العالم".
وتابع حديثه "ماتش القاهرة بتاع السنغال لو ماسكنا مدرب عنده قلب كنا كسبنا مستريحين!! للأسف خاف ياخذ أي مخاطرة في الشوط التاني!!".
وأنهى حديثه "أحلى حاجه اتقالت إنه مدرب عظيم بيهتم بالتفاصيل الصغيرة، ده حتى بيهتم بطول النجيلة!!".
وغرد ميدو مٌجدداً عن أسباب عدم تأهل منتخب مصر لكأس العالم حيث قال "من ضمن الدروس المستفادة من عدم تأهلنا لكأس العالم إن ما ينفعش المدرج يبقى ٨٠٪ منه المدامات والبهوات وعيالهم في ماتش مصيري!!".
وأضاف"لازم جمهور الكورة الحقيقي بتاع الدرجة التالتة يبقى مالي الملعب.. الجمهور اللي طول عمره بيحرك الصخر.. جمهور القازوزة واللب وساندوتشات الحلاوة".
واتم "كرة القدم لعبة البسطاء لازم ٦٠٪ من الملعب جمهور الدرجة التالتة التذكرة بـ٤٠ جنيه بالكتير و٣٠٪ الدرجة التانية و١٠٪ الدرجة الأولى والمقصورة الأمامية والمقصورة الرئيسية غير كده اقلبوها كروكيه ونلعب الماتشات في نادي الجزيرة الساعه ١١ الصبح!!".
