تركي آل الشيخ لعمرو أديب: “التاسعة في الجزيرة وبيبو هيشيل الكأس”

تركي آل الشيخ
تابعوا WTS على Follow WTS on Google News

تحدى الإعلامي عمرو أديب، المستشار تركي آل الشيخ رئيس هيئة الترفية بالمملكة العربية السعودية بشأن مباراة الأهلي والزمالك في نهائي دوري أبطال إفريقيا المقرر لها يوم 27 نوفمبر الجاري.

وكتب عمرو أديب على صفحته الشخصية بموقع التغريدات القصيرة “تويتر” في رسالة لتركي آل الشيخ:« طلعلى الفيديو ده النهارده علشان يفكرنى باليوم اللي كان ميسي موجود فيه في بيت المستشار تركى آل الشيخ أكبر النجوم وأشهر الأسامى شوفناها فى المملكة سواء فى مجال الرياضة أو بعد كده في مجال الترفيه.. أيام جميلة ترجع قريب أن شاء الله”.

وأضاف: “إيه علاقه ميسي ومصر بالماتش شوف سيادة المستشار انتهى عصر انتصارات الأهلى على الزمالك وحنكسب الماتش والكأس ومصطفى محمد حيجيب جول أو اتنين مع احترامى ليك وكابتن بيبو”.

وتابع أديب: عمرى ما كنت متأكد من نتيحه ماتش زي الماتش اللي جاي مين يقف قدام الونش وطارق حامد وشيكابالا وزيزو وكريستيانو مصر مصطفى محمد وبن شرقى.. فرقه فنانين معاليك».

سر تأخر الزمالك في الإعلان عن صفقة حمزة المثلوثي

ومن جانبه رد المستشار تركي آل الشيخ قائلا: “حترجع بحول الله واحسن بدعم سيدي ولي العهد ورجال وبنات السعودية.. وبعرف يا عمرو حبك للمملكة وتعرف حبي ل مصر ول أهل مصر … بس أنا اهلاوي والتاسعه في الجزيرة بإذن الله وحيشيل بيبو الكأس”.

وأضاف: «ده في الأحلام … الفنلة الحمراء في الملعب بمن حضر … السر في الشعار والجمهور … وحتطلع في برنامجك يوم ٢٧ أن شالله وبيبو صورته مع الكاس وحيكون الضغط عندك مش مزبوط يومها».

Related Posts